Броеви од испитот

На автопат возачот не смее да се движи со брзина поголема од:

130 км/ч

На пат резервиран за сообраќај на моторни возила возачот не смее да се движи со брзина поголема од:

110 км/ч

На јавен пат во населено место возачот не смее со возилото да се движи со брзина поголема од:

50 км/ч

Дали во населено место возачот може да го управува возилото со брзина поголема од 50 км на час:

да, ако со сообраќаен знак така е дозволено

Доколку управувате со возилото во населено место каде брзината на движење е ограничена на 50 км/час, Вие можете да се движите:

само согласно пропишаната брзина

На јавен пат брзината на движење на патничко возило кое влече лесна приколка е ограничена на:

80 км/ч

Со мопед не смеете да се движите на пат со брзина поголема од:

45 км/час

На јавен пат брзината на движење на моторно возило кое влече друго неисправно возило, e ограничена на:

40 км/ч

На јавен пат брзината на движење на трактори е ограничена на:

30 км/ч

На автопат не смеат да се движат моторни возила кои според своите конструкциски својства, не можат да се движат со брзина од најмалку:

60 км/ч

Во нормални услови на сообраќај, брзината на движење на моторните возила на јавен пат, не може со сообраќаен знак да се ограничи под:

40 км/ч

Правилното растојание меѓу возилата како предуслов за безбедност во патниот сообраќај, важи само доколку управувате:

секаде без разлика на патот

Еден од начините да избегнете судир со возило кое се движи пред Вас, е:

да ја прилагодите брзината на движење на возилото според условите и состојбите на патот и да држите безбедно растојание

Кога на јавен пат надвор од населено место, кој има само по една сообраќајна лента во една насока, се движат едно по друго моторни возила чија најголема дозволена маса е поголема од 3.500 кг, чија должина е поголема од 7 метри, возачите се должни помеѓу возилата:

да држат оддалеченост од најмалку 100 метри

Возачот на запрежното возило, кое се движи зад друго запрежно возило на пат со изграден коловоз, должен е да држи растојание од најмалку:

100 метри од запрежното возило кое се движи пред него

Растојанието меѓу влечното возило и влеченото возило, ако се влече со јаже изнесува:

од 3 до 5 метри

Растојанието помеѓу влечното и влеченото возило, ако се влече со крута врска, изнесува најмногу до:

3 метри

Растојанието меѓу влечното и влеченото неисправно моторно возило кога се влече со крута врска, може да изнесува и помалку од:

три метри

„Запирање на возило” е прекин на движењето на возилото на патот во траење до:

3 минути

Возачот не смее да запре или паркира возило пред и зад ознаката за автобуско стојалиште:

на оддалеченост помала од 15 метри

Посебниот знак со кој се означува запрено возило на непрегледен дел од патот надвор од населено место се поставува на коловозот, зад запреното возило:

на доволна оддалеченост, која не може да биде помала од 50 метри

Возачот не смее да запре или паркира возило, ако ширината на слободниот премин од возилото до полната надолжна линија на коловозот е:

помала од 3 метри

На тротоар, доколку е дозволено запирање и паркирање на возилото, возачот е должен да остави слободен простор за движење на пешаците во широчина:

од 1,6 метри

На јавен пат на кој не постои тротоар, пешаците можат да се движат по коловозот и притоа смеат да користат:

најмногу 1 метар широк дел од коловозот, сметано од неговиот раб

Пешакот е должен при преминување на коловозот да се движи по обележан пешачки премин, освен ако пешачкиот премин од него:

е оддалечен повеке од 100 метри

Во собораќај на пат, дење и ноќе, возачот на возилото задолжително треба да ги има вклучено, најмалку:

соборените светла

За време на управување со возилото, возачот на возилото задолжително треба да ги има вклучено:

најмалку соборените светла за осветлување на патот

Пред влегување во тунел, возачот треба да ги има вклучено на возилото:

соборените светла

Светлосниот сноп на соборените светла пред возилото треба да осветлува дел од патот од најмалку:

40 метри

Во услови на магла, возачот на возилото задолжително треба да ги има вклучено:

соборените светла и светлата за магла

Кои светла возачот на возилото ќе ги употреби, кога ноќе се движи во колона на возила:

соборените светла

Кога управувате со возило ноќно време, доколку од спротивната насока доаѓа возило со вклучени долги светла, потребно е:

да го предупредите со светлосен знак (аблендирање)

Колкава е законската толеранција на алкохол во крвта кај возачите кои управуваат возила за сопствени потреби:

до 0,50 г/кг

Колкава е законската толеранција на алкохол во крвта кај возач-почетник:

нема никаква толеранција

Со еден промил алкохол во крвта, возачот може да управува со моторното возило:

не смее да управува со возилото

Како делува малата количина на алкохол во крвта кај возачот:

ја намалува брзината на реакција

Возач почетник е возач на моторно возило по добивање на возачка дозвола, од одредена категорија во период од:

2 години

Возач-почетник кој поседува возачка дозвола од категорија „Б“, на автопат не смее да се движи со брзина поголема од:

100 км/ч

Возач-почетник кој поседува возачка дозвола од категорија „Б“, на пат резервиран за сообраќај на моторни возила не смее да се движи со брзина поголема од:

80 км/ч

Возач почетник кој поседува возачка дозвола од “Б” категорија не смее да управува со возило чија сила на моторот е поголема од:

77 kW

Возач-почетник не смее да управува со возило во патниот сообраќај, освен ако со него во возилото се наоѓа лице – возач постар од 25 години, на кој не му е изрекувана прекршочна санкција забрана за управување со моторно возило, во времето од:

23 часот до 05 часот

Возач-почетник кој поседува возачка дозвола од „Б“ категорија не смее:

да врши организиран превоз на деца

Во патничко моторно возило на предното седиште не смее да се превезува дете, помало од:

12 години

Кога во Вашето возило се превезува дете на возраст над 12 години, употребата на сигурносниот појас за детето е задолжителна:

кога седи на седиште на кое има вградено сигурносен појас

На велосипед со помошен мотор, мопед, мотоцикл, трицикл, лесен четирицикл и четирицикл смее да се превезува дете ако има навршено најмалку:

12 години возраст и ако го опчекорило посебното седиште

Велосипед на пат, може да управува лице кое наполнило:

10 години возраст

Во категорија „Б“ спаѓаат моторни возила чија вкупна маса не надминува:

3500 кг

Возач кој поседува важечка дозвола од “Б“ категорија смее да влече приклучно возило чија маса не надминува:

750 кг

Возачот на кого му е издадена возачка дозвола од категорија “Б” има право да управува и со моторни возила кои спаѓаат во:

националните категории „Ф”, „Г” и категоријата „АМ”

Со возачка дозвола за категорија “А1“ може да се стекне лице кое има наполнето:

16 години возраст

Во категорија „ А1“ спаѓаат мотоцикли, чија сила на моторот не е поголема од 11 kw и соодносот на јачината на моторот и масата на возилотоне надминува 0,1 kw/kg и работна зафатнина на моторот не е поголема од:

125 cm3

Возачката дозвола се издава со рок на важење од:

10 години

На лица постари од 65 години, возачка дозвола им се издава со рок на важење од најмногу:

3 години

Потребниот број на наставни часови за практично оспособување за кандидатот за возач за “Б“ категорија, изнесува:

36 часа

Технички преглед на моторни возила, кои не се постари од осум години се врши на:

2 години

Сообраќајната дозвола на возилото се продолжува со рок на важност од:

12 месеци

Намалена видливост постои ако возачот не може јасно да ги воочи другите учесници во сообраќајот на пат во населено место, на оддалеченост од најмалку:

100 метри

Намалена видливост постои ако возачот не може јасно да ги воочи другите учесници во сообраќајот на пат надвор од населено место, на оддалеченост од најмалку:

200 метри

Времето на реакција при сопирање на возило за просечен возач, при добра психофизичка состојба изнесува:

3/4 од секунда

Најголема дозволена должина на патничко возило изнесува:

6 метри

Најголема дозволена должина на патнички автомобил кој влече приколка за домување изнесува до:

15 метри

Најголема дозволена височина на сите возила изнесува:

4 метри

Слободниот простор над коловозот, сметајќи од највисоката точка на хоризонталната подлога мора да биде во висина од најмалку:

4,5 метри

Најголема дозволена маса на возилата на моторен погон или група возила, изнесува до:

40 тони

Товарот на возилото не сме да ја помине најоддалечената точка на предната страна на возилото повеќе од:

1 метар

Слободниот од на управувачкото тркало (волан) не смее да биде поголем од:

30 степени

Моторните возила и мобилни машини кога учествуваат во сообраќај на пат, треба да поседуваат пропишана зимска опрема во период од:

15 ноември до 15 март

За да бидете подготвени за итно превземање дејствие со возилото, Вашите раце треба да бидат поставени на управувачот во позиција на стрелките на часовникот:

09 часот и 10 минути

Прекршочна санкција забрана за управување со моторно возило од шест до 12 месеци, ќе му се изрече на возачот кој во населено место се движи со брзина над дозволената, поголема од:

50 км/ч

Прекршочна санкција забрана за управување со моторно возило од шест до 12 месеци, ќе му се изрече на возачот кој надвор од населено место се движи со брзина над дозволената, поголема од:

70 км/ч

Прекршочната санкција забрана за управување со моторно возило на возачот може да му се изрече во период:

од триесет дена до 12 месеци

Брзината на движење на товарно моторно возило чија најголема дозволена маса не е поголема од 7.500 кг. кога се движи на јавен пат, се ограничува на:

80 км/час

Брзината на движење на товарно моторно возило чија најголема дозволена маса е поголема од 7.500 кг. кога се движи на јавен пат, се ограничува на:

70 км/час

Брзината на движење на товарно моторно возило чија најголема дозволена маса не е поголема од 7.500 кг. кога се движи на автопат, се ограничува на:

90 км/час

Брзината на движење на товарно моторно возило чија најголема дозволена маса е поголема од 7.500 кг. кога се движи на автопат, се ограничува на:

80 км/час

Брзината на движење на автобус, кога се движи на јавен пат се ограничува на:

80 км/час

Брзината на движење на автобус, кога се движи на автопат се ограничува на:

100 км/час

Брзината на движење на автобус со кој се врши организиран превоз на деца, кога се движи на јавен пат се ограничува на:

70 км/час

Брзината на движење на автобус, со кој се врши организиран превоз на деца, кога се движи на автопат се ограничува на:

80 км/час

Возачот на моторно возило со кое се превезуваат опасни материи, кога се движи на автопат, не смее да се движи со брзина:

поголема од 70 км/час

За моторни возила кои превезуваат отровни материи кога се движат на јавен пат, брзината на движење се ограничува на 80% од најголемата дозволена брзина определена според видот на патот, односно брзината која е определена со сообраќаен знак, но не повеќе од:

60 км/час